ब्रह्मपुरी उपविभागात नागभीड आणि ब्रह्मपुरी या दोन तालुक्यांचा समावेश होतो. १८५४ मध्ये, चंद्रपूर स्वतंत्र जिल्हा म्हणून अस्तित्वात आला. ब्रम्हपुरी उपविभाग हे एक ऐतिहासिक महत्त्व असलेले उपविभाग असून याचे मूळ सातवाहन राजवटीत आढळते. सातवाहन साम्राज्य इ.स.पू. १ल्या शतकापासून इ.स. ३ऱ्या शतकापर्यंत दक्षिण आणि मध्य भारतावर राज्य करत होते. त्या काळात ब्रम्हपुरी उपविभाग हे एक महत्त्वाचे नागरी केंद्र होते, जे व्यापार, संस्कृती आणि धर्माच्या दृष्टीने प्रसिद्ध होते. येथे सापडलेल्या पुरातत्वीय अवशेषांमध्ये मातीची भांडी, नाणे, मणी आणि प्राचीन वास्तूंचे अवशेष यांचा समावेश आहे, जे त्या काळातील समृद्धी आणि विकसित जीवनशैली दर्शवतात. 

सातवाहन राजांनी बौद्ध धर्माचा प्रचार आणि व्यापारी मार्गांचा विकास केला, ज्यात ब्रम्हपुरीसारख्या उपविभागचा मोठा वाटा होता. आजच्या घडीला ब्रम्हपुरी ही महाराष्ट्रातील ७३व्या विधानसभेच्या मतदारसंघात येते आणि नागभीड ७४व्या विधानसभेच्या मतदारसंघात येते आणि राज्याच्या राजकीय प्रक्रियेत महत्त्वाची भूमिका बजावते. हि दोन्ही शहरे आज इतिहासाची शान आणि वर्तमानाचा विकास या दोहोंचे प्रतीक बनले आहे, जे आपल्या सांस्कृतिक वैभवाला जपतानाच आधुनिकतेकडेही वाटचाल करत आहे.